Ditën e sotme do të zhvillohet ndeshja e fundit e javës së tetë të Superligës. Ekipi i Rrogozhinës do të presë shkodranët në orën 13:45 në ‘Arena Egnatia’.
Aktualisht këto dy skuadra renditen në vend të pestë dhe të gjashtë me nga nëntë pikë secila dhe fitorja e sotme do të ndihmonte secilën prej tyre në afrimin sa më shumë të jetë e mundur të kreut.
Egnatia e ka treguar tashmë që është surpriza e këtij sezoni dhe pritshmëritë janë të larta edhe për takimin e kësaj të hëne, teksa Vllaznia është një klub me shumë histori dhe nga më të mirët që ka pasur ndër vite futbolli shqiptar, e po ashtu edhe nga ’Kuqeblutë’ pritet që të kemi një ndeshje shumë të luftuar.
Teksa në fundjavë u mbyllën edhe katër sfidat e tjera, ku duhet theksuar se Partizani siguroi fitoren e parë për këtë sezon të Superligës, duke mundur në transfertë Kastriotin me rezultatin 0-2. Laçi po ashtu është rikthyer në formën optimale dhe ka mundur kampionët ende në fuqi, Teutën me rezultatin 2-0.
Tirana vazhdon të qëndrojë e palëkundur në krye të tabelës dhe në këtë raund shkatërroi me rezultatin 4-0 Dinamon, teksa Skënderbeu i surprizoi të gjithë pas fitore 2-1 ndaj Kukësit në Korçë./K.T/Gijotina.com
Discussion about this post