Është mbledhur ditën e sotme Bordi i Entit Rregullator të Energjisë. E pranishme në këtë mbledhje, deputetja e PD Jorida Tabaku, e cila tha se ERE duhet të mbrojë interesin e konsumatorëve, ndërsa shtoi se duhet të zhbëjë vendimin që krijon fashën prej 800 kw/h.
Por ERE hodhi poshtë kërkesën e Tabaku duke rritur shanset për një rritje të çmimit të energjisë në muajt në vijim, ndonëse deputetja e PD deklaroi se ka një ulje çmimet të gazit apo energjisë në të gjithë Evropën dhe kërkoi llogari se përse kjo nuk reflektohet te ne.
“Kur unë bëra kërkesën tek ERE nuk pasur asnjë vendim të bordit të ERE për fashën 800 kw/h. Se dyti, në materialin e bordit nuk kishte asnjë fakt të ri nga qeveria. Materiali i prezantuar nga FSHU ne mbledhjen e dytë ishte i ngjashëm me të parin. Pra nuk ka asnjë arsye të rrezoni kërkesën time që kërkon thjesht heqjen e fashës për mbi 100 mije familje për rritjen e çmimit të energjisë me 5 herë me shumë. Së pari, çmimi i gazit në bursën ndërkombëtare të Dutch TTF për gazin ka rënë në 100 euro/megavat. Ndërkohë që kontratat Future kanë zbritur në 93.35 euro/MËH të hënën duke rënë me 20 përqind krahasuar me të premten. Ky, sipas të gjitha të dhënave, është niveli më i ulët i shitjes së gazit që nga mesi korrikut. Ndërkohë që gazi Europian është në nivele 70 përqind më të ulëta se sa nivelet e para në gusht 2022. Pra ka një rënie të çmimeve ndonëse jo në nivelet e dikurshme, të gjithë derivatet e tjera por edhe vendet e tjera që furnizohen me gaz kanë rënë gjithashtu. Arsyet përse ka rënë çmimi i gazit lidhen me faktin që koha është e mirë, nuk ka nevojë për ngrohje dhe gjithashtu kapacitetet e magazinimet me energji elektrike janë të larta. Së dyti, çmimet ditore duket se kanë luhatje të tilla aq sa ditën e djeshme (pra 26 tetor 2022) çmimi i ditës ishte më i ulët se sa një vit më parë”, tha Tabaku.
Discussion about this post