Takimi i Ohrit, Kovaçevski: Dialogu, e vetmja mënyrë për progres

Kryeministri i Maqedonisë së Veriut Dimitar Kovaçevski, ka folur para gazetarëve, në lidhje me takimin Kurti-Vuçiç.

Ai në rolin e mikëpritësit, ka takuar edhe Vuçiçin edhe Kurtin. Marrëveshja është e vetmja zgjidhje, ka thënë kryeministri.

“Kam pasur takime të ndara bilaterale me presidentin Vuçiç e kryeministrin Kurti. Besoj që është e nevojshme dhe e vetmja zgjidhje për stabilitet në rajon. Kontributi i BE-së duhet të normalizoj marrëdhëniet mes Serbisë dhe Kosovës”, ka thënë ai.

Tutje ai ka shtuar se vendi i shteteve të Ballkanit Perëndimor është në BE.

“Do të doja të nënvizoj se Republika e Maqedonisë së Veriut nuk është zgjedhur rastësisht. Shteti jonë i mbështetur nga BE-ja ka bërë një hap historik, ne jemi bërë anëtar të NATO-s.

Besojmë që dialogu është e vetmja mënyrë për të arritur progres. Vendi i shteteve të Ballkanit Perëndimor është në Bashkimin Europian”- ka shtuar ai.