Takimi i Ohrit, Molliqaj fton Kurtin që të japë dorëheqjen

Kryeministri i Kosovës Albin Kurti, ndodhet në Maqedoninë e Veriut, ku po zhvillon takimin delikat me presidentin e Serbisë, Aleksandar Vuçiç.

Shumë opinionistë e kanë vlerësuar këtë takim, megjithatë, ka dhe kush është kundër një politike të tillë “tolerante” mes Kurtit dhe Vuçiç.

Nga Kosova, kryetari i PSD-së Dardan Molliqaj përmes një postimi në Facebook i ka bërë thirrje Kryeministrit Kurti që të dorëhiqet dhe ta kundërshtojë formimin e Asociacionit.

“Kryeministër mos prano! Ka alternativë. Dorëhiqu dhe hajde e kundërshtojmë bashkë në shesh”, ka shkruar Molliqaj.

Në Ohër pritet të diskutohet për Planin e Zbatimit, apo Aneksin e Propozimit Evropian, të cilin Kurti dhe Vuçiç, tashmë e kanë pranuar.

https://www.facebook.com/dardanmolliqaj2/posts/749759299932242