Luis Hasa, mesfushori në pronësi të Juventusit, i cili këtë sezon luajti 39 ndeshje me fanellën e klubit të të rinjve të Juves, duke shënuar 11 gola dhe duke dhuruar 6 asistime, ka dhënë një intervistë për mediat italiane ditën e fillimit të Kampionatit Europian U-19 në Maltë, në të cilën, ai do të marrë pjesë me fanellën e Italisë.
“Ndjesitë janë pozitive. Deri tani kemi bërë një ecuri shumë të mirë, por tani që jemi në fazën finale të një kampionati europian presim të bëjmë mirë dhe të arrijmë deri në fund.”-tha mesfushori me origjinë shqiptare.
Sa i përket synimit, Hasa theksoi se fitorja është qëllimi kryesor për kombëtaren italiane.
“Synimi, siç është normale për kombëtaren italiane, është fitorja. Por gjëja themelore, të fillojë duke fituar ndeshjen e parë. Nëse mundim Maltën më pas synojmë të kalojmë grupin. Nëse arrijmë në gjysmëfinale, do të synojmë objektivin e madh.“- deklaroi Hasa.
Discussion about this post