Juristi Ylli Manjani i ftuar në emisionin “A Show”, ka analizuar drejtuesit e partive politike të reja, që kanë hyrë në skenën shqiptare.
Gjatë bisedës, Manjani u shpreh se, të rinjtë janë të varfër në ide politike dhe nuk kanë asgjë për të shitur. Sipas tij, çuditërisht, të gjithë politikanët e rinj e kanë me kreun e opozitës Sali Berishës dhe sipas tij, pyetja që shtrohet është nëse duan t’i zënë vendin Qeverisë apo opozitës.
“Sot në hapësirën publike janë shumë media, jashtë mase shumë. Dhe këtu flasim veç për televizionet. E të gjithë kanë presionin për të bërë emisione me tema politike apo sociale çdo ditë dhe jo njëherë në javë. E besoj se aksesi për në media nuk është i kufizuar. Në tërësinë e ideve politike, të këtyre grupit të të rinjve në politikë, unë mendoj se janë të varfër në ide. Nuk kanë asgjë për të shitur.
Vije re se çfarë shesin, çfarë japin, cila është ideja e tyre, cili është botëkuptimi i këtyre për Shqipërinë e sotme dhe të nesërme. Kanë vetëm fjalor Jakonin. Të vrasim, të mbytim, të kapim nga gryka, SPAK bjeri, ky bën, ky sbën dhe çuditërisht të gjithë e kanë me Sali Berishën, çuditërisht të gjithë këta të rinjtë. Tani pyetja është; për çfarë janë në politikë këta, me i zënë vendin opozitës apo qeverisë. Pra ka një problem shumë të madh këtu, edhe parimor edhe taktik.
Sa kohë që është Edi Rama në lojë, nuk ka mbi të. Nuk ka as kriminelë, as oligarkë. Ai që pretendon se ka oligarkë, kriminelë mbi Edi Ramën, nuk njohin Shqipërinë, kanë një problem shumë të madh. Ky njeriu është aty dhe nuk pyet për ta, i afron dhe i largon” – tha Ylli Manjani
Discussion about this post