Dorian Teliti, anëtar i Këshillit Kombëtar në PD dhe nënkryetar i Këshillit Bashkiak Tiranë, u ka bërë apel qytetarëve të kryeqytetit që të protestojnë kundër gllabërimit të pronës dhe parave të taksapaguesve nga një grusht njerëzish në shkelje të plotë të ligjit dhe me procedura fiktive tenderimesh, ku në krye qëndron kryebashkiaku Erion Veliaj.
Reagimi
Liria dhe demokracia nuk dhurohen, ato fitohen.
Qytetaria nuk tregohet vetëm me fjalë, por edhe me veprim demokratik atëherë kur lipset.
Të veprosh sot kundra padrejtësive është detyrim.
Të ngresh zërin kundra talljes dhe braktisjes është detyrim.
Të protestosh kundra gllabërimit të pronës dhe parave të taksapaguesve nga një grusht njerëzish në shkelje të plotë të ligjit dhe me procedura fiktive tenderimesh, është detyrim.
Ndihu Tiranë, protesto bashkë me ne të martën nëse ndihesh i tradhtuar, i nëpërkëmbur, i pashërbyer, i varfëruar në tryezën familjare, i falimentuar në sipërmarrjen tënde.
Tirana në protestë është sot, më shumë se kurrë, detyrim qytetar për këdo nga ne!
Protesto të martën, ora 11.00, para bashkisë Tiranë, për të drejtën tënde për transparencë dhe dorëheqjen e Kryebashkiakut përgjegjës të Kryeqytetit.
Discussion about this post