Futbollisti i skuadrës së Egnatias, Bruno Telushi ka theksuar se arbitrat i kanë dëmtuar rrogozhinasit dhe se duhet të kishin më shumë pikë në klasifikim.
‘Të them të drejtën penalltinë e vendosi trajneri që në fillim të ndeshjes se kush do ta gjuante. Të parën e gjuajta unë, të dytën për të mos pasur konflikte me Pedron, ia lashë atij, sepse është edhe sulmues. Fati i tij i keq që e humbi, por janë gjëra që ndodhin.
Ne jemi të prekur nga arbitrat, ku marr shkas edhe nga ndeshja e Kupës me Kukësin, po ashtu edhe me Vllazninë. Janë disa gjëra që nuk di çfarë të them. Edhe te goli i anuluar pjesa më e madhe thonë që ishte i rregullt edhe pse tani që po flasim nuk e kam parë akoma.
e shoh që arbitrat nxiten shumë kundër ekipeve të tjera. Por, nuk duhet të na shohin si të vogël, futbolli është i barabartë dhe deri tani kemi treguar shpirt gare dhe karakter. Duhet të na lënë të bëjmë futbollin tonë, sepse u bë e disata ndeshje që ne barazohemi apo humbim me penallti”, tha Telushi.
Discussion about this post