Bashkia Elbasan ka skualifikuar ofertat e ulëta dhe ka shpallur fitues të një tenderi kompaninë që ofroi vlerën më të lartë.
Procedura e siguruar nga gijotina.com mban numrin e referencës REF-24206-04-06-2022 dhe mbishkrimin “skualifikim i të gjithë operatorëve konkurrues përveç atij fitues”. Ky klasifikim nga Open Data e bën tenderin një mundësi për abuzim nga zyrtarët e Prokurimit Publik.
Fituese është kompania “ARTAN LLOZANA” , pasi ka ofruar shumën më të lartë për blerjen e pajisjeve për qendrën Rinore Elbasan, projekti START-UP dedikuar rinisë. Në këtë mënyrë janë skualifikuar pa arsye thelbësore dy operatorë të tjerë, që sigurisht krahasuar me fituesin e paracaktuar, kanë bërë propozime më ekonomike. Fituesi i paracaktuar dhe i dyshimtë i Bashkisë Elbasan, do të blejë me shumën 4 586 535 pa TVSH ose rreth 46 milionë lekë të vjetra për blerjen e pajisjeve për Qendrën Rinore.
Skualifikohen ofertat më të ulta, “MIFEEL” p.f me 4.165.000 pa TVSH ose rreth 42 milionë lekë të vjetra dhe “SOFIA MYFTARI “ p.f. me 4.420.000 pa TVSH ose rreth 44 milionë lekë të vjetra.
Në procedurën e siguruar nga gijotina.com, skualifikimi pa të drejtë i operatorëve ka gjetur justifikime që nuk e cenojnë ofertën e tyre. “Operatori ekonomik nuk ka dorëzuar asnjë autorizim të prodhuesit ose të distributorit të autorizuar nga prodhuesi”, thuhet në dokumentin që Gijotina.com e zotëron. Por në fakt kompania ka dokumentet e zhdoganimit të mallit të kërkuar. Megjithatë vlerat e ofruara nxjerrin blof Bashkinë Elbasan, pasi ajo ka shpallur automatikisht fituese ofertën më të lartë.
“ARTAN LLOZANA” jo më kot u zgjodh fitues i tenderit para afatit të caktuar, pasi shfaqi ofertën më të leverdishme për Bashkinë duke përjashtuar operatorët e tjerë ekonomikë.
Kryetari i Bashkisë Gledian Llatja duhet ta dinte që tenderi vetëm me një operator nuk mund të zhvillohet pasi cenohet konkurrenca dhe gara nuk duhet të vazhdojë, e megjithatë ka shpallur me nxitim fituesin. Gjithsesi, dokumenti i tenderit është firmosur nga nënkryetarja Aulona Bylykbashi.
Siç edhe e kemi specifikuar në artikujt tanë, ky tender i është shtuar listës së gjatë të procedurave të dyshimta për abuzime, në një kohë kur buxheti i shtetit është duke u përballur me një serë emergjencash, si kriza energjetike si dhe rritja e çmimeve të ushqimeve dhe karburantit. A.L/gijotina.com
Discussion about this post