Të gjithë drejtorët duhet ta blejnë naftën tek “Kastrati”. Ky është një urdhër i pashkruar, nga i cili nuk përjashtohet as drejtoria e Shërbimeve Qeveritare. Prandaj drejtoria ka firmosur menjëherë kontratën 227 milionë lekë për të blerë naftë tek “Kastrati”.
Më datë 20 maj 2024 është publikuar në Agjencinë e Prokurimeve Publike tenderi me objekt. “Blerje karburant për Lot 3: Naftë për automjete MK – me një operator ekonomik ku të gjitha kushtet janë të përcaktuara – me afat 12 muaj për nevoja të DSHQ”. Vetëm për lotin 3 janë lënë në dispozicion 190 milionë lekë, ndërsa për kontratat që mund të shkruhen gjatë vitit, në dokument thuhet se vlera përfundimtare shkon në 227 milionë lekë.
Shohim se në formularin e shpalljes së fituesit nuk ka asnjë emër firme tjetër që të ketë paraqitur ofertë dhe asnjë të skualifikuar, çka do të thotë që zarfi i Kastratit ka qenë i vetmi mbi tavolinën e komisionit të vlerësimit. Kështu në mungesë të konkurrencës kjo kontratë i është falur oligarkut të naftës dhe të dhënat tregojnë që edhe kontratat e tjera do të shkojnë në dorën e tij.
Drejtoria kapet në shkelje ligjore
Epo, drejtoritë në varësi të Këshillit të Ministrave shërbejnë për lëvizur paratë brenda për brenda.
Kujtojmë se në vitin 2022, Kontrolli i Lartë i Shtetit ka zbuluar abuzime dhe shkelje edhe në Drejtorinë e Shërbimeve Qeveritare. Janë dy tenderë që janë realizuar në vitin e shkuar për restaurimin e pallatit të kongreseve, dhe në të dy rastet janë konsideruar pagesa të paligjshme. Problemet janë zbuluar në zhvendosjen e dherave, por po ashtu dhe në hidroizolimin e tarracës. Janë rreth 32.8 milionë lekë që i janë dhënë për kompanisë fituese për këtë situatë, por tashmë subjekteve u kërkohet të kthejnë mbrapsht një sasi lekësh.
Drejtoria e Shërbimeve Qeveritare dhe drejtuesja e saj Dhurata Frashëri u bënë ikonë e shërbëtorit të kryeministrit Rama, qysh me firmosjen e kontratës për avion privat me kompaninë “Air Albania”.
Por, në përditshmëri, drejtoria kujdeset për tenderat e peshqirëve, të enëve të kuzhinës, për detergjentët, për investimet nëpër vila, për projektet e kthimit në hotele të objekteve qeveritare, për arredimin dhe ndërrimin e mobiljeve, freskimin e ajrit me kondicionerë të rinj çdo vit.
Në këtë kuadër është bërë tenderi i fundit, më 13 maj 2024, me vlerë 80 milionë lekë, që ka si blerje kryesore solucionet për pishinat e vilave ku pushon kryeministri Rama dhe të ftuarit e tij.
Bëhet fjalë për tenderin me objekt “Detergjent, produkte higjenosanitare dhe aksesor në ndihmë të pastrimit për vitin 2024” të zhvilluar nga Drejtoria e Shërbimeve Qeveritare në varësi të Kryeministrit. Ndër të tjera kërkohet të furnizohen fshesa metalike për pastrimin e pishinave të disa llojeve të specifikuara në një tabelë, Mini laborator për matjen e PH të ujit të pishinës Copë 5, Mini Laborator (pooltester) për të bërë matjen e PH dhe të klorinimit të ujit të pishinës;
Tableta për mini laboratorin matës të PH të ujit të pishinës Pako 40 (1 pako = 10 kokrra); Tableta për matjen e acidit dhe klorit të përqendruar në ujin e pishinave.
Kapëse mizash për pishinë (Copë 5) Kapëse plastike me bisht dhe me kosh me përbërje rrjete për mbledhjen e mbetjeve/mizave etj. që ndodhen në ujin e pishinës.
Shqetësim në drejtorinë e shërbimeve qeveritare nuk janë vetëm tenderat. Edhe dosjet e punonjësve janë konsideruar me të meta madje edhe me mungesë fletësh në inventare. Madje në këtë institucion nuk ka as dosje për të pasqyruar aktivitetet që janë bërë në pallatin e kongreseve
Pas këtij raporti të KLSH nuk është marrë asnjë masë, prandaj drejtoresha vazhdon me abuzimet, në shërbim të qeveritarëve.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post