Ministrja e infrastrukturës dhe energjisë, Belinda Balluku do të dërgohet në SPAK, në lidhje me tenderat e dhënë. Konkretisht bëhet fjalë për projektin e tunelit të Llogarasë, ku fitues i tenderit për ndërtimin e tij, u shpall një grup kompanish turke të cilat kishin ofruar 12 mln dollarë më shumë se oferta më e ulët.
Ka qenë deputeti i Partisë Demokratike Helidon Bushati, ai i cili në një deklaratë nga selia blu njoftoi se veç denoncimit të skandalit, do të bëhet dhe kallëzim penal në SPAK për ministren Balluku.
Pra, në garën midis “INTEKAR YAPI” dhe “ASL”që kërkoi ta ndërtojë tunelin për rreth 17 miliardë lekë ose 170 milion dollarë, dhe një tjetër bashkim operatorësh, përbërë nga kompania egjiptiane “Concord Engineering” dhe dy kompani shqiptare, që kanë ofruar 12 milionë dollarë më pak për të njëjtën punë, në total 158 milion dollarë, ministria e drejtuar nga Belinda Balluku, zgjodhi ofertën më të shtrenjtë.
