Berisha tenton të hyjë në Kuvend, Garda e ndalon në hyrje. Pak minuta pas debateve, Berisha ka hyrë në Kuvend. Por vazhdon debati nga deputetët që janë në listën e të përjashtuarve. Bëhet fjalë për 8 deputetë të opozitës, Luçiano Boçi, Albana Vokshi, Ervin Salianji, Ina Zhupa, Luan Baçi, Tritan Shehu, Gazmend Bardhi dhe Bledion Nallbati të cilët janë përjashtuar nga aktiviteti parlamentar për 10 ditë.
Albana Voshki: Përgjegjësia është e imja e marrë unë përsipër.
Flamur Noka: Mos e prek se është femër ajo. Mos e prek. Hapu
Albana Vokshi: Nuk më ndalon dot mua.
Belind Këlliçi: O Albana futu. Zoti Spaho lejohet. Të kalojë zoti Spaho. Ore ka edhe pjesë sipër Parlamenti. Po na lënë të hyjmë more, do të na nxirrni të gjithëve?
Albana Voshki: Po ik ore se nuk më ndalon dot ti mua. Është turp kjo që po bëni.
Belind Këlliçi: Lexoni emrat dhe të hyjmë.
Albana Voshki: Ore mos mu lut se do futem. Me një urdhër nuk më ndalon dot mua.
Luan Baçi: Ose se na vdiqët këtu. Nuk na ndaloni dot. Hape rrugën të thashë.
Luçiano Boçi: Ore jam me mandat, mos më prek. Më do, s’më do shumë.
Luan Baçi: Këta të PS kanë hyrë brenda që në orën 4. E kanë skenar ata mor burrë.
Albana Voshki: Sollët përforcime? Bravo, bravo. Paskeni sjellë 20 veta për të penguar deputetët. Kush jeni ju morë?
Luçiano Boçi: Banditët janë të lirë, pengohet deputetët. Kam qejf të dëgjoj Lindita Nikollën më ka marrë malli.
Luan Baçi: Po i ngjeshët deputetët, i shtypët, paskeni qenë të poshtër.
Sot ka seancë në Kuvend, e ndërsa në po të njëjtën orë, ish kryeministri Sali Berisha mban protestën e paralajmëruar “për revolucion”. Nga ana tjetër, kryeministri Edi Rama nuk është në Kuvend, pasi do të presë Kryeministrin e Bavarisë, Markus Söder po në atë orë.
Discussion about this post