Sekretari amerikan i Shtetit, Antony Blinken dhe Ministri i Jashtëm rus, Sergey Lavrov, u takuan për pak minuta të enjten në një takim të diplomatëve të lartë nga Grupi i 20 vendeve, që shënoi edhe takimin e parë të nivelit të lartë, në muajt e fundit, midis dy vendeve.
Zyrtarët amerikanë thanë se Blinken dhe Lavrov biseduan për rreth 10 minuta gjatë konferencës së G-20 në Nju Delhi. Takimi i shkurtër erdhi pasi marrëdhëniet midis Uashingtonit dhe Moskës kanë rënë shumë dhe tensionet për luftën e Rusisë me Ukrainën janë rritur.
Një zyrtar i lartë amerikan tha se Blinken e përdori diskutimin për t’i bërë Lavrovit të ditur tri pika: se SHBA-ja do të mbështeste Ukrainën në konflikt për aq kohë sa duhet për t’i dhënë fund luftës, se Rusia duhet të ndryshojë vendimin e saj për të pezulluar pjesëmarrjen në Traktatin e ri bërthamor START dhe se Moska duhet të lirojë të arrestuarin amerikan Paul Ëhelan.
Zyrtari, i cili foli me gazetarët në kushte anonimiteti, tha se Blinken kishte çliruar nga iluzionet Lavrovin për çdo ide që ata mund të kishin se mbështetja e SHBA për Ukrainën po lëkundet.
Discussion about this post