Një 34-vjeçar me iniciale S.B. i shpallur në kërkim prej dy muajsh është arrestuar ditën e sotme nga policia.
Policia njofton se më datë 15 shtator Gjykata e Pogradecit i ka caktuar atij masën e sigurisë në mungesë “arrest me burg”, për shkak se në muajin korrik ka qenë duke transportuar emigrantë të paligjshëm dhe në momentin kur ka “pikasur” uniformat blu ka braktisur mjetin fugon tip “BENZ” në afërsi të vendit të quajtur “Guri i Kuq”, në Pogradec. Ndër të tjera policia jep detaje se brenda tij janë gjetur 17 emigrantë të cilëve u ishte premtuar kalimi drejt Bashkimit Evropian kundrejt shumës 250 euro secili.
Pritet që i arrestuari të përballet me akuzën për këtë vepër penale. / A.L gijotina.com/
