Një operacion policor çoi në bllokimin e një tentative për trafikim armësh nga Shqipëria në Itali. Gjatë kontrolleve të intensifikuara, u sekuestrua një armë zjarri pistoletë dhe municion luftarak.
Një shtetas shqiptar, Halil Hysaj, 30 vjeç, rezident në Itali, u arrestua pasi u kap me armën e paligjshme në bagazhet e tij. Nga kontrolli nëpërmjet skanerit, në bagazhet e këtij shtetasi, u gjet 1 armë zjarri pistoletë me municion luftarak, e cila u sekuestrua në cilësinë e provës materiale.
Njoftimi i policise
Finalizohet operacioni policor i koduar “Siguria”.
Goditet një rast i tentativës për trafikim të armëve të zjarrit, nga Shqipëria në Itali.
Sekuestrohen 1 armë zjarri pistoletë dhe municion luftarak.
Vihet në pranga një 30-vjeçar shqiptar, rezident në Itali.
Gjatë këtij operacioni, u kap në flagrancë, në dalje të Shqipërisë, dhe u vu në pranga shtetasi shqiptar H. H., 30 vjeç, rezident në Itali.
Nga kontrolli nëpërmjet skanerit, në bagazhet e këtij shtetasi, u gjet 1 armë zjarri pistoletë me municion luftarak, e cila u sekuestrua në cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Trafikimi i armëve dhe i municionit”.
Discussion about this post