Tentuan të vjedhin argjendarinë, pronari përleshet me ta, në pranga 2 të rinjtë

2 të rinj janë arrestuar pak minuta më parë në Shkodër,  pasi tentuan të grabisnin një argjendari në Shkodër. Mësohet se pronari ka shfaqur rezistencë dhe është përleshur me ta, derisa kalimtarët kanë njoftuar policinë e cila ka ardhur dhe ka vënë në pranga dy autorët. Argjendari ndodhet në qendër të Shkodrës në afërsi të Sahatit. Zona është ndër më të populluarat dhe e patrulluar nga policia, por kjo nuk i ka penguar grabitësit të bëjnë tentativën e tyre të dështuar për të grabitur argjendarinë.