Prokuroria e Posaçme Kundër Korrupsionit dhe Krimit të Organizuar ka njoftuar ditën e sotme se po shkon drejt mbylljes dosja për vrasjen e Vajdin Lames dhe Klodian Salliut. Prokurori i çështjes ka bërë me dije se hetimet e plota janë kryer, çka ka bërë që të përcaktohen akuzat për të dyshuarit, nga ku rrjedhimisht do jepet vendimi përfundimtar për ta.
Këtë të enjte u janë komunikuar akuzat ndaj Lulzim Berishës, Indrit Rusit dhe Viktor Ymerit të cilët priten të merren të pandehur për dy vrasjet e bujshme të vitit 2005. Ndaj tyre SPAK ka ngritur akuzat e Vrasjes me paramendim” kryer në bashkëpunim në formën e grupit të strukturuar kriminal, “Mbajtjes pa leje të armëve luftarake me pasoja të rënda”, “Grup i strukturuar kriminal”, si dhe të “Vrasjes në rrethana të tjera cilësuese”, kundër dy ose më shumë personave, të kryer në bashkëpunim në formën e grupit të strukturuar kriminal.
Nesër pritet që akuzat për këto ngjarje ti komunikohen edhe personave të tjerë të vënë nën hetim, pra Emiljano Shullazit e Indrit Taullaut. Pas komunikimit të akuzave SPAK pritet që të dalë edhe me një njoftim zyrtar lidhur me përfundimin e hetimeve mbi këtë çështje dhe dërgimin e saj për gjykim në Gjykatën e Posaçme.
Discussion about this post