Një tërmet me magnitudë 6,1 Rihter ka goditur mbrëmjen e së dielës, më 10 gusht, provincën Balikesir, në veri-perëndim të Turqisë, me epiqendër në rajonin e Sindirgjikut.
Nga ky tërmet janë shkatërruar 10 ndërtesa, sipas kryetarit të bashkisë së zonës, dhe janë shpëtuar katër persona, ndërsa vazhdojnë përpjekjet për shpëtimin e dy të tjerëve. Deri tani, ka raporte për të paktën tre të lënduar.
Tërmeti, i cili ndodhi në orën 19:53 (ora lokale), është ndjerë fort në të gjithë rajonin e Marmaras, duke arritur deri në Stamboll dhe bregdetin lindor dhe verior të Egjeut, pa shkaktuar dëme në ishujt grekë. Thellësia e epiqendrës është regjistruar në 10 kilometra, ndërkohë që janë regjistruar edhe tre lëkundje të tjera me magnitudë 4,6, 4,1 dhe 4 Rihter në të njëjtën zonë.
Discussion about this post