Paqartësia rreth hartës së re territoriale dhe deklaratat mbi ndarjet e mundshme kanë nxitur qytetarët e Prrenjasit të krijojnë Aleancën për Mbrojtjen e territorit të tyre. Aleanca, e cila në përbërje të saj ka intelektualë të fushave të ndryshme, sipërmarrës, fermerë e të rinj, synon hartimin e një drafti që mbron me fakte dhe argumenta pse duhet të qëndrojnë më vete. Dokumenti, i cili në shtator, pritet t’i dërgohet Komisionit Parlamentar për Reformën Territoriale, Kryeministrit, Parlamentit, por edhe institucioneve ndërkombëtare, do të pasqyrojë çdo resurs e pasuri të zonës, të dhëna historike e vlera kulturore.
“Ruajtja e këtij identiteti dhe zhvillimi i komunitetit kërkon angazhimin e ccdo qytetari. Pikërisht mbi këtë bindje lindi Aleanca Qytetare për Mbrojtjen e Prrenjasit, një platformë qytetare informale e pavarur, jo partiake dhe vullnetare, që bashkon qytetarët për një qëllim të përbashkët: mbrojtjen e interesit publik dhe zhvillimin e Bashkisë Prrenjas. Ne përmes peticionit kërkojmë që ccdo vendimmarrje të merret vetëm pas një procesi transparent dhe në përputhje me ligjin. Ne kërkojmë pezullimin e procedurës deri në fundin e konsultimit publik, zhvillimine një dëgjese në Prrenjas, publikimin e dokumentacionit të propozimit, shqyrtimin e argumentave të komunitetit para ccdo vendimi përfundimtar, të merret në konsideratë mbajtja e një referendumi” tha një qytetar.
“Prrenjasi do të qëndrojë. Ne kemi dhënë fjalën dhe besën që Prrenjasi do të jetë bashki më vete” tha një qytetar.
“Kam lindur këtu në Prrenjas. Jemi 4 breza. Prrenjasi po të shkojë në Librazhd, le t’i vënë rrota e ta çojnë atje se ne nuk lëvizim nga vendi. Qyteti është qytet minatorësh. Nëse e marrin me kuzhineta le ta marrin” tha një tjetër.
Pjesëmarrësit kërkuan nga çdo parti politike, t’i qëndrojë larg kauzës qytetare për mbrojtjen e Prrenjasit. Sipas organizatorëve, simpatitë dhe bindjet politike të gjithësecilit, nuk mund të ndikojnë në një qëllimin e mbrojtjes së familjes së përbashkët dhe të ardhmes ekonomike, sociale e kulturore.
gijotina.com/
Discussion about this post