Real Madridi luan këtë të shtunë në 19:30 në Almería dhe kërkon tre pikët e radhës pasi “pushtoi” San Mamésin e Bilbaos në javën e parë të kampionatit. Ancelotti do ta bëjë këtë me një ekip të mbushur me problem fizike, të cilat janë bërë një “ters” i vërtetë në Valdebebas.
Pa Ceballos, Güler, Mendy, Courtois dhe Militao… tani dhe Eduardo Camavinga mund t’i bashkohet listës së gjatë të lartpërmendur të mungesave. Real Madrid luan në stadiumin “Power Horse” dhe do ta bëjë këtë me një dilemë të madhe: praninë ose jo të mesfushorit francez. Ai u vendos si titullar duke zhvilluar një lojë të shkëlqyer në La Catedral… por sot nuk u stërvit dhe do të jetë në dyshim deri në momentin e fundit.
Carlo Ancelotti siguroi se “ishte pak i ngarkuar me njërën këmbë dhe nuk rrezikuam”. Edhe pse nga ana e tij konfirmoi se ishte i pranishëm në listën e të grumbulluarve: “Është pjesë e skuadrës, do ta vlerësojmë nesër, nëse nesër, është mirë, do të luajë”, deklaroi trajneri italian në shpjegimet e tij në konferencën e shtypit.
Ai e mbajti atë në listën e skuadrës së tij, por tashmë mjekët kanë paralajmëruar se ekziston rreziku i një lëndimi të mundshëm. Ata do ta vlerësojnë nesër para se të udhëtojnë për në Andaluzi.
Real Madrid planifikon të qëndrojë në Cabogata Beach Hotel, disa kilometra larg stadiumit dhe do të udhëtojë për në Almeria duke filluar nga ora 11:30 me një fluturim të shpejtë privat. Gjithçka do të jetë në dorën e Ancelottit dhe Camavingas.
Carletto mund të thyejë skemën e famshme të ‘rombit’ ose ‘diamantit’ nëse Camavinga ka nevojë për pushim, megjithëse do t’i hapte rrugë Toni Kroos ose Luka Modric për të mos modifikuar shumë sistemin e lojës.
Discussion about this post