Teuta hodhi një hap fals ndaj Kastriotit në sfidën e zhvilluar në “Loro Boriçi” duke thelluar Akoma më shumë diferencën me kreun e renditjes që mbahet nga Tirana me 5 pikë më shumë se durrsakët. Skuadra e trajnerit Edi Martini kërkoi golin në pjesën e parë ku shpërdoruan disa raste shumë të pastra. Megjithatë goli i avantazhit erdhi vetëm në minutën e 51.
Gruda merr një asist të artë nga Kallaku dhe nuk gabon përballë Salit me një diagonal duke i dhënë avantazhin vendasve. Megjithatë skuadra e trajnerit Ndreu nuk u dorëzua për asnjë moment teksa shënoi golin e barazimit në minutën e 80. Greca kroson bukur në zonë, përfiton Mudrazija që rikthen ekuilibrat në Shkodër. Sfida mbeti e pandryshuar deri në fundin e takimit. Teuta hedh një hap fals dhe e sheh më larg kreun e renditjes teksa për Kastriotin kjo pikë përkthehet në frymëmarrje.
