Vetëm një ditë para ndeshjes së kthimit me Inter Escaldes për turin e dytë të Conference League klubi i Teutës pëson një humbje të madhe.
Pas Avdylit nga ‘Djemtë e Detit’ është larguar edhe titullari Rustem Hoxha. Lajmin e largimit të Hoxhës e ka bërë publik vetë klubi durrsak përmes një postimi në rrjetet sociale.
Teuta luan nesër në transfertë në Andora, ku duhet të përmbys rezultatin e parë në mënyrë që të sigurojë kualifikimin për turin e tretë të Conference League.
Postimi i Teutës:
Faleminderit Kampion!
KF Teuta komunikon përfundimin e bashkëpunimit me qendërmbrojtësin Rustem Hoxha, i cili nga sot nuk është më pjesë e Teutës. Lojtari largohet nga Teuta duke lënë mbrapa plot kujtime për tifozerinë stafin dhe ekipin. Faleminderit Fanella me nr. 5 për gjithçka dhe sidomos për titullin e fituar pas 27 vitesh. Përgjithmonë pjesë e familjes blu.
Shumë suksese në vazhdim kampion!/Gijotina.com
