Skuadra e Teutës ka zhvilluar një pjesë të parë loje dominuese ndaj Kastriotit në sfidën e cila po luhet në “Loro Boriçi” të Shkodrës. Durrsakët ishin dominues në fraksionin e parë të lojës por nuk pati zhbllokim rezultati. Skuadra e trajnerit Edi Martini pati dy raste të pastra me Gorgiev por sulmuesi nuk i’a doli të tregohej i saktë para portës.
Kastrioti nga ana tjetër pati një rast të mirë me Ajazin i cili provoi nga distanca duke mos pasuar për shokun e skuadrës që ndodhej i lirë. Krutanët patën më pas një pretendim për penallti teksa gjyqtari Beqiraj konsultohet me VAR dhe në fund jep pozicion jashtë loje. Një pjesë e parë e luftuar nga të dyja skuadrat që synojnë një rezultat pozitiv.
