Theu masën “arrest shtëpie” për tu zënë me Noizy-n, kush është Cllevio Serbiano

Cllevio Serbiano është kthyer në kryefjalën e medias rozë këto ditë për shkak të zënkës që pati me një ndër reperët më me zë të Shqipërisë, Noizyn. Publikimi i videos ku shfaqeshin të dy personazhet i dha një supër xhiro në media duke u përfolur nga të gjithë.

Është raportuar se gjithçka ka nisur më herët nga provokimet në rrjetet sociale, ndërsa në ditën e incidentit  Serbiano  kishte shkuar në Durrës, ku situata ka kaluar edhe fizikisht.

Me rastin e largimit nga shtëpia, 36-vjeçari e kishte shkelur masën e sigurisë ‘arrest shtëpiak’ dhe për këtë arsye është arrestuar nga Policia në Lushnje.

Por, kush është Kleviol Ahmeti?

Cllevio ka lindur në vitin 1986 në Lushnje dhe ishte i njohur me nofkat, si ‘Hudra’ a.k.a. ‘Problemi’, si pjesëtar i grupit TBA (The Bloody Alboz).

Ai ka jetuar për shumë vite ne New York të Shteteve të Bashkuara të Amerikës, ku është njohur me Viktor Palokajn (Unikkatil), me të cilin më pas kishin realizuar bashkëpunime muzikore, si edhe me pjesëtarët tjerë të TBA.

Në vitin 2014, Klevioli u arrestua për trafikim droge drejt Italisë me aeroplan, kur edhe u dënua me 10 vjet burg. Kështu, Ahmeti e kreu dënimin me burg prej gjashtë vitesh dhe doli në vitin 2020 për të vazhduar me projektet muzikore.

Ai ishte arrestuar sërish në mars të vitit 2021 nga policia në Lushnje, pasi është kapur duke drejtuar mjetin pa leje drejtimi, ndërsa gjatë kontrollit “u gjetën dhe u sekuestrua

n në cilësinë e provës materiale dy doza me lëndë narkotike cannabis sativa dhe tre armë të ftohta (thika)”. Pas kryerjes së dënimit prej 13 muajsh, Cllevio u lirua nga burgu në prill të vitit 2022.

https://youtu.be/pQpyKxi5oHs

Përveç muzikës, Klevioli u shndërrua në një fenomen të rrjeteve sociale duke thyer rekorde me paraqitjet e tij ‘live’ në Instagram, ndërkohë që ka vazhduar edhe me publikimin e këngëve.

Pikërisht, situatat e krijuara nga provokimet në rrjetet sociale nxitën armiqësinë me Noizyn që të hënën kaloi në incident të dhunshëm.

Ndryshe, Cllevio njihet edhe si person i afërt me Stresin, i cili kohët e fundit i ka rregulluar raportet me Noizyn.