Që kur kanë pranuar që të bëhen pjesë e shtëpisë së “Big Brother VIP”, banorët janë paralajmëruar nga “Vëllai i Madh” që të respektojnë rregulloren e tyre, në rast të kundër do të ndëshkohen.
Por pavarësisht kësaj, disa prej banorëve jo gjithmonë i kanë respektuar rregullat e shtëpisë dhe herë pas here janë paralajmëruar.
Kësaj here “Vëllai i Madh” ka ndëshkuar Monikën dhe Ilirin, sepse para disa ditësh ata kanë komunikuar me shenja dhe kode lidhur me planifikimin e nominimeve apo edhe strategjive të lojës.
Një zarf i zi i paralajmëron ata për një ndëshkim për arsye të thyerjes së rregullave. Ata do të duhet të komunikojnë me banorët dhe “Vëllain e Madh” vetëm me gjeste. Të shohim sa ata do të munden ta realizojnë këtë sfide.
Kjo nuk është hera e parë q banorët marrin një zarf të zi nga “Vëllai i Madh”, madje edhe ish-konkurrenti, Ardit Çuni, i cili fiku qëllimisht mikrofonin e tij.
Discussion about this post