Mario Mitaj nuk do të jetë pjesë e kombëtares shqiptare për ndeshjet kualifikuese të Kupës së Botës ndaj Anglisë dhe Andorrës. Kjo gjë u pa ditën e sotme në listën 26 lojtarëve të përzgjedhur nga trajneri Sylvinho për këto takime.
Një dëmtim i ripërsëritur në ndeshjen e fundit me Al Ittihad, ka ndaluar Mario Mitajn të japë kontributin e tij me fanellën kuqezi. Pak më parë, mbrojtësi shqiptar ka bërë një reagim në “InstaStory”.
“Për shkak të një dëmtimi të vogël, nuk do të kem mundësinë të përfaqësoj atdheun tim. Këtë radhë do të mbështes shokët e mij nga tribuna dhe jam i sigurt që do japin gjithçka për të ndihmuar kombëtaren tonë ta nisim këtë rrugëtim më këmbë të mbarë. TI SHQIPËRI MË JEP NDER”, shprehet Mitaj.
Discussion about this post