“Tirana Parking”, projekti i prezantuar nga Erion Veliaj si program inovativ që shkurton kohë dhe kostot e parkimit për qytetarët po kthehet në një aferë gjigande korruptive. Të shpeshta janë rastet ku qytetarët kanë denoncuar se, kanë rezervuar parkingun me pagesë përmes SMS-ve, sikur parashikon “Tirana Parking”, për në fund kanë marrë gjobë për parkim në vend të gabuar. Gjithashtu, shpesh herë janë denoncuar vlerat marramëndese që Veliaj ka dhënë për këtë projekt, i cili nuk po bën gjë tjetër veç se po përdor policët për të vjelur sa më shumë para nga qytetarët. Këtë herë Veliaj e ka lëshuar dorën fare, ka dhënë tender 2 milionë lekë vetëm për blerje kompjuterash.
Në dokumentin e publikuar evidentohet se Bashkia Tiranë e ka dhënë këtë tender pa konkurrencë, pasi ka paraqitur ofertë vetëm një kompani. Në ligjin për prokuirimet thuhet se, në këto raste nuk mund të zhvillohet gara paci cenohet konkurrenca. Por, Erion Veliaj është mësuar tashmë që të shkelë ligjin dhe të abuzojë me tenderat. Kështu që ka shpallur fituese kompaninë “PC STORE” sh.p.k, e cila ka paraqitur ofertën me vlerë sa 96% e fondit limit, çka përbën një tjetër shkelje, pasi ligji thotë që duhen marrë në konsideratë ofertat me vlerë më të ulët se fondi limit. Ndërsa shtrohet këtu pyetja, pse duhet të shpenzoj Bashkia Tiranë 2 milionë lekë për blerje kompjuterash, kur ky projekt nuk po funksionin si duhet dhe më tepër në situatën që ndodhet vendi ynë. Ndërsa çdo ditë qytetarët vazhdojnë të vuajnë për një vend parkimi.
Gangrena e abuzimeve
Në fakt, nuk është hera e parë që Veliaj jep tender miliona lekësh pa garë për këtë “Tirana Parking”. Sqarojmë se, ky shtë një institucion në varësi të Bashkisë Tiranë për administrimin e shërbimit të parkimit publik me pagesë. Në rastin konkret, ky institucion i drejtuar nga Eglantina Zere, ka organizuar pak muaj më parë tenderin me numër reference REF-05752-09-20-2021 dhe me objekt “Blerje Kasa Automatike për Pagesat në Sheshparkimet e Mbyllura”. Fondi limit i tenderit është
14,000,000 lekë të reja pa TVSH ose gati 165 milionë lekë të vjetra me TVSH. Vihet re se i vetmi pjesëmarrës është kompania “Adi Professional” në pronësi të shtetasit Adriatik Tarja. Kjo kompani ka ofruar vlerën prej 13,722,000 lekë të reja pa TVSH ose rreth 165 milionë lekë me TVSH. Natyrisht duke mos patur asnjë konkurrent tjetër përveç vetes së saj, kompania në fjalë është shpallur fituese.
Pra faktet tregojnë se “Tirana Parking” nuk është një projekt për lehtësuar qytetarët, por është kthyer në një vorbull që thith vetëm para nga taksapaguesit shqiptarë. E.H/Gijotina.com/
Discussion about this post