Tirana pranë blerjes së futbollistit të famshëm nga Maqedonia e Veriut

Duket se Klubi i Futbollit Tirana është gati për të kryer goditjen e parë të merkatos së verës.

Siç bën me dije media maqedonase, “Open-TV”, bardheblutë janë pranë nënshkrimit me kapitenin e Shkëndijës së Tetovës, Egzon Bejtullai.

Për shërbimet e tij është interesuar dhe Partizani, por siç raporton “Open-TV”, ai ka zgjedhur Tiranën.

Ai pritet të transferohet si lojtar i lirë, pasi në fund i skadon kontrata me kuqezinjtë e Tetovës.

Bejtullai ishte gjithashtu dhe pjesë e Maqedonisë së Veriut në “EURO 2020”, duke u aktivizuar dhe 27 minuta.