Tjetër aksident me vdekje, humb jetën i moshuari

Pas aksidentit me vdekje në Lushnje, një tjetër incident me humbje jete është shënuar në Dimal orët e fundit.

Viktima është një 78-vjeçar i cili ishte në bordin e një automjeti tip “Seat”, që është përplasur me një “Hyundai”.

Policia njoftoi këtë të hënë “arrestimin në flagrancë të shtetasit A.T., 33 vjeç, banues në Dimal, pasi pasditen e djeshme duke drejtuar mjetin e tij tip ‘Hyundai’, është përplasur me mjetin tip ‘Seat’, me drejtues shtetasin A.G., 41 vjeç, banues në fshatin Skrevan, Dimal”.

“Si pasojë e përplasjes është dëmtuar dhe ka ndërruar jetë në spital shtetasi S.G., 78 vjeç, banues në fshatin Skrevan, Dimal, i cili ishte pasagjerë në mjetin tip ‘Seat’”, shtuan të njëjtat burime.