Trafikantët e klandestinëve/ Sulmuan me armë policinë në Morinë, gjykata cakton masën e sigurisë për të arrestuarit

Gjykata e Kukësit caktoi masën e sigurisë arrest me burg, afati 3-mujor, për 6 emigrantët e arrestuar në kufirin Shqipëri-Kosovë.

Të arrestuarit janë marokenë, algjerianë dhe sirianë, ndërsa ata akuzohen se tentuan të trafikonin nga Shqipëria drejt Kosovës, emigrant klandestinë nga Lindja e Mesme.

Madje të arrestuarit dyshohet se kanë qëlluar me armë zjarri në drejtim të policisë së Kosovës, në momentin që ata janë pikasur.

Krahas të arrestuarve, në kërkim u shpall dhe 27-vjeçari Sultan Grimashi me shtetësi algjeriane. Ky i fundit sipas policisë konsiderohet personi kyç i rrjetit të trafikut emigrantëve nga vendet e treta, përmes Greqisë, Shqipërisë, Kosovës dhe Serbisë, me destinacion final shtetet e BE-së.

Dy ditë më parë, Policia e Kosovës njoftoi se algjeriani i shpallur në kërkim është personi kyç i trafikut të emigrantëve që ka qenë i proceduar dhe i arrestuar më parë.

Grupi i tyre drejtonte rrjetin e trafikut të emigrantëve nga vendet e treta, nga Greqia për në Shqipëri, Kosovë dhe Serbi, me destinacion final shtetet e BE-së u zbulua nga kamerat e fshehta të policisë të vendosura në kufirin Shqipëri – Kosovë.

Kur u konstatuan nga policia, trafikantët e armatosur tentuan të arratiseshin duke qëlluar me armë drejt policisë nga 50-100 metra distancë. Plumbat përshkuan veshjet e dy efektivëve, por fatmirësisht nuk janë në rrezik për jetën.

Ata janë identifikuar si: Ayoub Bahhoo, 27 vjeç, me shtetësi algjeriane, si dhe Muhaned Nasir, 25 vjeç, Nagid Alabdahah, 20 vjeç, Muhamed Shehab, 21 vjeç, Mohamed Radawin, 20 vjeç dhe Rabii Lqadi, 40 vjeç, të pestë me shtetësi siriane

Ata akuzohen për veprat penale “Vrasja e punonjësve të Policisë së Shtetit”, mbetur në tentativë, kryer në bashkëpunim, “Prodhimi dhe mbajtja pa leje e armëve, armëve shpërthyese dhe municionit” dhe “Ndihma për kalim të paligjshëm të kufijve”.

Të arrestuarit janë:

Ayoub Bahhoo, 27 vjeç, me shtetësi algjeriane

Muhaned Nasir, 25 vjeç, me shtetësi siriane

Nagid Alabdahah, 20 vjeç, me shtetësi siriane

Muhamed Shehab, 21 vjeç, me shtetësi siriane

Mohamed Radaëin, 20 vjeç, me shtetësi siriane

Rabii Lqadi, 40 vjeç, me shtetësi siriane