Tre shtetasit shqiptarë nga Kosova, të cilët u raportuan të zhdukur prej mbrëmjes së të shtunës, janë gjetur pa shenja jete në territorin e Maqedonisë së Veriut.
Ata humbën kontaktet me familjarët pasi u nisën nga Aeroporti i Shkupit në drejtim të Kosovës, ndërsa kërkimet për ta përfunduan tragjikisht.
Viktimat janë identifikuar si Ejup Ternava, Cennet Ternava dhe Fatmire Shabani, të tre nga Vushtrria. Sipas autoriteteve, automjeti me të cilin udhëtonin, një Mercedes GLC me targa gjermane, u gjet i fundosur në lumin Lepenc. Pas nxjerrjes së mjetit nga uji, ekipet e emergjencës konstatuan se brenda ndodheshin trupat e pajetë të tre personave.
Familjarët kishin denoncuar zhdukjen e tyre pasi nuk arritën të lidhnin më kontakt me ta, duke bërë edhe thirrje publike për ndihmë. Pas dy ditësh kërkime, autoritetet lokalizuan automjetin në lumin Lepenc, duke i dhënë fund shpresave për t’i gjetur të gjallë.
Nuk dihen ende rrethanat e ngjarjes së rëndë, sakaq autoritetet në Maqedoninë e Veriut kanë nisur hetimet për zbardhjen e plotë të rastit.
Discussion about this post