Java e 14-të e Superligës Shqiptare vuri përballë Egnatian dhe Laçin, në ndeshjen që në fund të saj pa të triumfonin kurbinasit, me rezultatin 2-0, duke i shkaktuar në këtë mënyrë skuadrës së trajnerit të sapoemëruar, Zekirija Ramadani humbjen e pestë radhazi.
Bardhezinjtë ia dolën me rezultatin 2-0 dhe kështu kanë barazuar Vllazninë me pikë dhe presin rezultatet e dy ndeshjeve të tjera për të parë diferencën me Kukësin e Tiranën.
Laçi bëri një pjesë të parë shumë të mirë. Mazrekaj iu afrua shumë golit dhe ka shumë rezerva për dy episode për penallti, një nga Guindo e një ndaj Mazrekajt.
Në 45 minutat e para nuk pati gol dhe Egnatia të dytën e nisi më mirë. Ata u munduan të vënë në presion Laçin, por nuk ishin të rrezikshëm para portës së Dajsinanit.
Kurbinasit në 15 minutat e fundit u hodhën në sulm dhe shënuan me dyshen që ka shënuar më shumë për ta, Dejan Zarubica dhe Saliou Guindo.
Në përfundim të kësaj sfide, Laci ruan pozitat e vendit të katërt me 24 pikë, ndërsa Egnatia ‘skuqet’ me rezultatet negative, ku ka arritur të mbledhë vetëm 11 pikë.
Discussion about this post