Çmimet në vendin tonë kanë pësuar rritje të ndjeshme gjatë qershorit, duke bërë që inflacioni të arrijë në nivelin 7.4%. Në të dhënat e publikuar nga Instituti i Statistikave evidentohet se sektori i transportit ka regjistruar shtrenjtimin më të lartë të çmimeve. Konkretisht, transporti u rrit me 26.9% . Ndërsa nuk mbeten pas çmimet për qira, ujë dhe drita. “Rritja vjetore e çmimeve në muajin Qershor është ndikuar kryesisht nga grupi “Ushqime dhe pije joalkoolike” me +4,38 pikë përqindje, pasuar nga grupi “Transporti” me +1,53 pikë përqindje. Çmimet e grupit “Qira, ujë, lëndë djegëse dhe energji” me +0,54 pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” me +0,28 pikë përqindje. Çmimet e grupit “Hotele, kafene dhe restorante” kanë kontribuar me +0,25 pikë përqindje. Çmimet e grupit “Pije alkoolike dhe duhan” me +0,23 pikë përqindje. Çmimet e grupit “Veshje dhe këpucë” me +0,07 pikë përqindje. Çmimet e grupit “Mallra dhe shërbime të ndryshme” me +0,05 pikë përqindje. Çmimet e grupit “Komunikimi” dhe“Shërbimi arsimor”me +0,02 pikë përqindje secili. Çmimet e grupit “Shëndeti” me +0,01 pikë përqindje”, thuhet në raport.
Veshjet gjithashtu kanë pësuar rritje në ritme vjetore, por edhe në raport me shifrat e një muaji më parë. Por, edhe në shifra vjetore serish transporti regjistrin rritje rekord. “Krahasuar me muajin Qershor 2021, rritja më e madhe e çmimeve vërehet në grupin “Transporti” me 26,9 %, pasuar nga grupet “Ushqime dhe pije joalkoolike” me 12,6 %, “Hotele, kafene dhe restorante” me 5,6 %, “Pije alkoolike dhe duhan” me 4,7 %, “Mobilje, pajisje shtëpie dhe mirëmbajtje e shtëpisë” me 3,8 %, “Qira, ujë, lëndë djegëse dhe energji” me 2,8 %, “Veshje dhe këpucë” me 1,6 %, “Mallra dhe shërbime të ndryshme” me 1,0 %, “Komunikimi” dhe “Shërbimi arsimor” me 0,6 % secili dhe “Shëndeti” me 0,3 %. Nga ana tjetër, grupi “Argëtim dhe kulturë” u ul me 0,9 pikë përqindje”, thuhet në raport. Ndërsa shihet tendencë në rritje dhe grupi i shërbimeve si hotele dhe restorante për shkak të ardhjes së sezonit turistik.
Discussion about this post