Është finalizuar me sukses operacioni policor i koduar “ROAD GUARD 9”, ku është goditur një tjetër rast i veprimtarisë kriminale të dhënies ndihmë shtetasve të huaj, për kalim të paligjshëm të kufirit, kundrejt fitimit.
Në pranga kanë rënë 2 shtetas, E. L., 19 vjeç dhe L. N., 19 vjeç, banues në Lushnjë.
Arrestimi i këtyre shtetasve u bë në aksin rrugor Kakavije-Gjirokastër, në vendin e quajtur “Kordhocë”, duke transportuar me automjetin e tyre tip “Toyota”, 4 emigrantë të paligjshëm nga vendet MENA, kundrejt fitimit.
Gjithashtu u shpall në kërkim shtetasi D. B., 20 vjeç, banues në Lushnjë, pasi gjatë veprimeve hetimore ka rezultuar bashkëpunëtor në këtë veprimtari kriminale.
Në cilësinë e provës materiale u sekuestruan një automjet dhe dy aparate celulare.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Discussion about this post