Të gjesh një vendparkimi në qytetin e Lezhës vijon të mbetet një mision i pa mundur.
Kjo ndodh pasi trotuaret zaptohen nga automjetet, duke penguar lëvizjen e këmbësoreve. Problematika më e madhe është në brendësi të lagjeve të qytetit. Qytetarët kërkojnë që të gjendet zgjidhje, pasi lëvizja në rrugë është bërë e vështirë dhe e rrezikshme.
“Ne kërkojmë më shumë hapësira, sepse trotuari është i zënë. Kalojmë me vështirësi pasi rruga është e zënë me makina dhe kjo na bënë të ndihemi të rrezikuar.”- tha një banor.
Zaptimi i trotuareve nga automjetet është një problematikë e vjetër në Lezhë, e kjo ndodh nga numri i kufizuar i parkingjeve si dhe tendenca për të parkuar drejt qendrës së qytetit.
