Presidenti amerikan, Donald Trump ka rinovuar kërcënimin e tij për të vendosur tarifa ndaj produkteve të Bashkimit Evropian duke akuzuar bllokun për praktika të padrejta tregtare.
Duke folur dje në Shtëpinë e Bardhë, Trump tha se do të vendoste absolutisht tarifa për mallrat e BE-së.
Trump tha se SHBA po trajtohej “tmerrësisht keq” duke argumentuar se tregjet evropiane kryesisht i mbyllnin eksportet amerikane.
“Ata nuk marrin makinat tona, nuk marrin produktet tona bujqësore, ata nuk marrin pothuajse asgjë”, tha ai.
Trump vuri në dukje deficitin e madh tregtar midis SHBA-së dhe BE-së duke premtuar se do të ndërmarrë veprime “të konsiderueshme” kundër bllokut, megjithëse nuk dha detaje të mëtejshme.
Gjatë fushatës së tij zgjedhore, Trump përmendi planet për të futur tarifa të reja prej 10% deri në 20% për importet nga BE duke thënë se ato do të nxisin industritë vendase dhe do të adresojnë deficitin tregtar.
Pati një grindje të ashpër tregtare midis SHBA-së dhe BE-së gjatë mandatit të parë të Trumpit në detyrë.
Në vitin 2018, Trump prezantoi tarifa për importet e çelikut dhe aluminit, duke e shtyrë BE-në të përgjigjet me tarifa për produktet amerikane si uiski, motoçikletat ”Harley-Davidson” dhe xhinset.
Discussion about this post