Nga Andi Bejtja
Rama ndoshta as vetë nuk e ka pritur që i ashtuquajtur tur Ballkanik të niste si komedi. Skenarist i kësaj komedie, u be Ballkani i Hapur.
Brenda një konference shtypi, dy nga tre liderët të cilët mbetën të vetëm nga 6 liderët e Ballkanit, dhe Kryeministri Maqedonas dhe ai Shqiptar, lëshuan nga goja dy pohime diametralisht të kundërta: Kovacevski thotë ” Ballkani i hapur nuk e ka kryer misionin e vet”, Rama që thotë ” Ballkani i Hapur e ka mbaruar misionin e vet”.
Tani çfarë duhet të kuptoj nga kjo e sotmja, jo më një gazetar, po një qytetar i thjeshtë Ballkanas? A mund të ma thotë dikush? I vetmi konkluzion që të vjen vetvetiu në mendje është se Ballkani i Hapur rezultoi nisma më komike nga 72 nismat e ngjashme në rajon, duke vërtetuar atë që si Uashingtoni dhe Brukseli e ka thënë me kohë: këto lloj nismash marrin kuptim vetëm në qoftëse marrin pjesë të gjashtë njëherësh.
Fillimi i turit ballkanik qe komik, pavarësisht nga serioziteti me të cilin Shkupi e priti Ramën. Të shohim më tej…
Discussion about this post