Ka nisur me debate dhe bojkot seanca e sotme plenare në Kuvend. Si shkak i kërkesës së LSI për të rishikuar komisionet, pasi këta të fundit nuk ishte në dijeni se kush do jetë drejtues. Pas tij ka reaguar Taulant Balla, i cili tha që të rishikohen komisionet pasi LSI-ja nuk ka pasur mundësi që të shprehë pëlqimin dhe të jetë pjesë e tyre.
Ai kërkoi që ditën e sotme të votohen vetëm kryesuesit e Komisioneve të Përhershme Parlamentare dhe jo anëtarët.
Por kjo kërkesë e Ballës ka sjellë reagimin e kreut të PD, Lulzim Basha. Kryedemokrati u ngrit në këmbë dhe akuzoi kryeparlamentare Lindita Nikolla se merr urdhra nga Partia Socialiste dhe vepron si ushtare.
“Keni shkelur rregulloren, merr urdhër si ushtare, turp të të vijë, e çfarë pushteti, çfarë mendon se është kjo, me çfarë pushteti?!”- tha Basha dhe doli nga salla bashkë me grupin parlamentar.
Nuk bëri përjashtim as Sali Berisha, i cili pavarësisht se zyrtarisht është përjashtuar, veproi si anëtar i grupit parlamentar të PD-së.
