Kryeministri polak Donald Tusk bëri thirrje për shpenzime më të larta të mbrojtjes në Bashkimin Evropian gjatë një fjalimi sot në Parlamentin Evropian.
“Nëse Europa do të mbijetojë, ajo duhet të armatoset”, u tha ai ligjvënësve të BE-së të mbledhur sot në Strasburg, Francë.
Ai u bëri thirrje vendeve të BE-së të shpenzojnë 5% të prodhimit të brendshëm bruto (PBB) për mbrojtjen.
Sipas Tusk, Polonia tashmë shpenzon rreth 5% të PBB-së për mbrojtjen.
Nuk ka një objektiv të caktuar për shpenzimet e mbrojtjes në BE. Nga 27 vendet e BE-së, 23 janë gjithashtu anëtarë të aleancës perëndimore të mbrojtjes NATO.
Aleatët e NATO-s janë zotuar të shpenzojnë të paktën 2% të prodhimit ekonomik për mbrojtjen, një objektiv i cili mund të rritet në samitin e ardhshëm të NATO-s në qershor.
Presidenti i SHBA-së Donald Trump po kërkon nga aleatët e NATO-s të shpenzojnë 5% për mbrojtjen. Gjermania ka rritur shpenzimet e saj në pak më shumë se 2%.
Discussion about this post