Ditën e sotme, tymi i zi i dendur dhe flakë të shumta janë parë në Lviv pas një sulmi në qytetin perëndimor të Ukrainës. Lidhur me ngjarjen, të paktën katër shpërthime janë dëgjuar në qendër të Lviv pak para orës 20:30 me orën lokale të vendit.
Gjithashtu, alarmet e makinave ranë dhe më pas janë dëgjuar sirenat e emergjencës. Nuk dihet akoma se çfarë ishte në shënjestër dhe çfarë përfundoi.
Nga ana tjetër, kryebashkiaku Andriy Sadovyi është shprehur se personat në qytet duhet të strehohen duke shtuar se sulmet kishin ndikuar në furnizimin me energji elektrike në atë zonë.
Më tej mësohet se 2 nënstacione elektrike janë dëmtuar nga sulmi me raketa në Lviv. Kompania e Hekurudhave të Ukrainës ka bërë me dije se trenat që shkojnë për në Lviv po vonohen sepse rusët shënjestruan nënstacionet që janë pjesë e infrastrukturës hekurudhore.
Shpërthime të jashtme, ndërprerje të energjisë elektrike raportohen në Lviv. Ka ndërprerje të energjisë në një pjesë të paspecifikuar të Lviv. Qyteti perëndimor thuhet se është goditur nga të paktën një raketë.
Discussion about this post