Ish-konkurrenti i “Për’puthen”, Argjend Rraci, ka folur së fundmi për raportin që ka me Alvisa Qarrin, e cila doli nga programi së bashku me Bashkim Saitin si çift. Edhe pse dukeshin mjaft bukur me njëri-tjetrin, lidhja e tyre nuk zgjati shumë pasi u larguan nga emisioni i dashurisë.
Argjendi i ftuar në emisionin “N’Zoom” ka komentuar thashethemet se ata kanë nisur një romancë dashurie. Gjithçka nisi nga disa video të publikuara në aplikacionin e njohur “TikTok”.
Në njërën prej tyre Alvisa kishte vendosur një audio përmes të cilës i kërkonte Argjendit që ai ta dojë, t’i bëjë qejfin dhe mos t’i bërtasë.
Gjithashtu, vetë Alvisa i hodhi poshtë zërat që mund të ketë diçka mes tyre, por këto thashetheme filluan sërish pasi ish-konkurrenti publikoi në rrjete sociale një video me të në makinë krahas së cilës shkroi: “shoferja ime personale”.
Ndërkohë gjatë intervistës që Argjendi ishte i ftuar ai ka bërë me dije se mes tij dhe Alvisës ka thjesht shoqëri. Ai gjithashtu adresoi edhe komentet negative që kanë bërë ndjekësit, të cilët mendojnë që i ka marrë të dashurën Bashkimit.
“Mua nuk më pengojnë shkrimet që bëhen deri sa nuk ekzagjerohen, duke qenë se na kanë parë me njëri-tjetrin në Tiranë dhe më pas në Prishtinë njerëzit mund të mendojnë dhe është e drejtë ta mendojnë atë pjesë. Ajo që mund të them unë është se nuk ka asgjë të vërtetë, mes nesh ka mbetur një shoqëri shumë e mirë dhe kurdo që kemi rastin takohemi dhe kalojmë kohë të mirë bashkë. Kaq. Jam ndjerë edhe si person i tretë edhe pse s’kam qenë. Më ka nisur mami disa screenshot-s, që ai i mori femrën atij tjetrit. Në momentin që dikush ndahet me dikë dhe nis një histori me dikë tjetër, nuk quhet që dikush ia ka marrë të dashurën.”
Discussion about this post