Dalin detaje të reja nga arrestimi i efektivit të Policisë Rrugore të Tiranës, Florenc Bicerri. Ky i fundit ra në pranga pasi u kap me drogë në Turqi. Bicerri kishte udhëtuar nga Rinasi drejt shtetit turk më 5 tetor. Burime nga grupi hetimor bëjnë me dije se që prej datës 8 tetor, komisariati rrugor në Tiranë ka nisur hetimin disiplinor për efektivin si dhe procedurën për largim nga puna.
Shkak është bërë mosparaqitja e tij në detyrë. Efektivi ka qenë i shoqëruar me shtetasin Kujtim Çeliku në momentin e arrestimit.
Çeliku rezulton i dënuar më përpara për vjedhje. Të dy këta persona pasi kanë kaluar pikën kufitare dhe kanë udhëtuar drejt Stambollit.
Në sajë të këtij operacioni në pranga ra gjithashtu edhe shtetasi tjetër shqiptar, i identifikuar si Adrian Qirici. Në lidhje me përfshirjen e efektivit të Rrugores në trafik ndërkombëtar të drogës, AMP ka nisur hetimet.
Discussion about this post