Vendimi i Bashkimit Europian për të ndërprerë fondet e bujqësisë për Shqipërinë vjen pas një hetimi të OLAF, Zyra Antikorrupsion e Bashkimit Europian.
Hetimi i nisur dy vjet e gjysmë më parë, ka zbuluar se se autoritetet shqiptare, përkatësisht AZHBR, nuk kanë respektuar procedurat ligjore në shpërndarjen e granteve për fermerët duke bërë që një pjesë e madhe e fondeve të vidhen.
Delegacioni i Bashkimit Europian thanë se OLAF, ka identifikuar disa raste kur paratë janë dhënë për investime fantazmë, të cilat nuk ekzistojnë fare.
Letra nga Drejtoria e Bujqësisë dhe Zhvillimit Rural të Komisionit Europian i ka mbërritur disa institucioneve duke përfshirë Ministrinë e Bujqësisë, atë të Financave, AZHBR-në, Agjencinë Shtetërore të Programin Strategjik dhe Koordinimit të Ndihmës.
Sipas burimeve, kryeministri Edi Rama ka kërkuar menjëherë mbledhje urgjente, por nuk ka asnjë njoftim për të mësuar se çfarë ka ndodhur.
Nga ana tjetër, ministrja e Arsimit Evis Kushi në një dalje për mediat nuk pranoi të komentojë vendimin e fundit të Bashkimit Europian për bllokimin e fondeve të IPARD II. Ajo u shpreh se ishte një dalje për mediat në lidhje me kreditë studentore, përmbylljen e Maturës Shtetërore dhe aplikimet për Universitete.
Discussion about this post