GJKKO ka pranuar kërkesën e Klement Çalës për të mos vuajtur dënimin në regjimin “41 bis”. Çala, një nga autorët e grabitjes së ndodhur në Rinas në vitin 2019, u arrestua në mars të vitit 2020 në një vilë në Qerret.
Në maj të këtij viti ministri i Drejtësisë, Ulsi Manja urdhëroi që Viktor Ymerit, Klement dhe Eldi Çalajt të futen nën regjimin “41 bis”, por tashmë trupa e gjyqtarëve e kryesuar nga Erjon Bani ka rrëzuar këtë vendim ndaj të pandehurit i cili akuzohet për grabitjen në aeroportin e Ronasit.
Vëllezërit Klement dhe Eldi Çala janë në burg për grabitjen e avionit me para në Aeroportin e Rinasit në 9 prill të 2019. Ata u arrestuan në mars të 2020 në një vilë luksoze në Qerret, teksa tashmë Klement Çala akuzohet për pastrim të produkteve të veprës penale dhe u dënua me 20 vite burg. Më 9 prill të 2019 një grup personash arritën që të marrin sasinë e parave të transportuara me blinda nga bankat e nivelit të dytë në Shqipëri jashtë shtetit nëpërmjet Rinasit. Pas një përplasje me policinë mbeti i vdekur Admir Murataj, person afër Klement Çalës.
Ata akuzohen se janë anëtarë të grupit kriminal që planifikoi vjedhjen me armë të shumave monetare, shumë kohë para se të realizohej duke siguruar dhe përshtatur automjetin me të cilin kanë realizuar vjedhjen, automjetet e tjera me të cilët janë larguar nga vendi i ngjarjes dhe kanë siguruar mjetet e nevojshme për hapjen e dyerve të emergjencës së perimetrit të aeroportit.
Discussion about this post