Gjykata e Durrësit vendosi masën e sigurisë “arrest me burg” për shtetasit Aldi Mustafa dhe Klevis Kurdiu, për të cilët u tha se u kapën pak përpara se të kryenin një atentat.
Mustafa u kap mbrëmjen e së shtunës me një armë me silenciator, ndërsa ishte në makinë me Kurdiun.
Kujtojmë se më herët ndaj Aldi Mustafës është bërë një atentat, ndërsa iu vendos lëndë plasëse në automjetin e tij.
Nga burimet hetimore bëhet me dije se Aldi Mustafa ishte duke përgatitur terrenin për të kryer një vrasje me armët të cilat iu gjeten gjatë kontrollit.
Gjithsesi Policia nuk ka nxjerrë të dhëna lidhur me atentatin që ka parandaluar duke arrestuar Mustafën.
Aldi Mustafa është një emër i njohur për drejtësinë dhe policinë.
Ai u arrestua në vitin 2021 pasi kishte planifikuar atentatin e një personi. Ai njihet për miqësinë me Aleksandër Lahon, Rrumin e Shijakut, i cili ishte në të njëjtën makinë me prokurorin Arian Ndoja gjatë atentatit të 1 nëntorit të vitin 2019, ku mbeti i plagosur. Gjithashtu ai ka qenë i dënuar i dënuar me 10 vit burg në Gjermani për kanosje dhe drogë.
Në 3 prill të këtij viti ai ishte ‘shënjestra’ e një atentati. 37-vjeçarit iu vendos lënda plasëse në makinën tip ‘Volksëagen’, te goma rezervë, por për fat të mirë mundi të shpëtonte pa lëndime. Në vitin 2021, Aldi Mustafa u arrestua nga Policia së bashku me dy persona të tjerë, pasi dyshohej se do të kryenin një vrasje.
Discussion about this post