U kërcënua nga ish-ambasadori i Kosovës, Vjosa Osmani e denoncon në Polici

Presidentja Osmani ka denoncuar në Polici për kërcënim publik ish-ambasadorin e Kosovës në Maqedoninë e Veriut. Rrethohet nga pesë truproje. Mirëpo siguria e Presidentes së Kosovës siç duket është cenuar së fundmi.

Vjosa Osmani për mediat kosovare thotë se me rastin e deklaratës së ish ambasadorit të Kosovës në Maqedoninë e Veriut, Gjergj Degajt, tani po merret Policia e Kosovës.

E se po merren organet kompetente me këtë rast e ka konfirmuar edhe këshilltari për media i presidentes Osmani. Por, ky denoncim nuk po i bën përshtypje ish-ambasadorit të Kosovës në Maqedoninë e Veriut.

Gjergj Dedaj deri në mesditë ka thënë se nuk është kontaktuar nga organet e rendit. Ndërsa, Policia e Kosovës nuk janë përgjigjur zyrtarisht për veprimet e ndërmarra për këtë rast, megjithatë Televizioni mëson se kanë pranuar denoncimin nga zyra e Presidencës.

Gjithë kjo situatë është krijuar nga një deklaratë e ish-ambasadorit Dedaj të dhënë në emisionin “Frontal” në T7 të Kosovës.