Pesë ditë pas vdekjes tragjike të Astrit Hysenajt në përmbytjet e Durrësit, familjarët e tij rrëzojnë zyrtarisht pretendimin e Bashkisë se ai kishte ndërprerë punën për shkak të motit dhe po kthehej në shtëpi në momentin fatkeq.
Sipas familjes, 54-vjeçari ishte në detyrë deri në minutat e fundit të jetës. Të afërmit tregojnë se Hysenaj ishte nisur në punë në orën 05:30 të mëngjesit, si çdo ditë, pavarësisht reshjeve të dendura dhe paralajmërimeve për përmbytje.
Pamjet filmike, sipas familjarëve, tregojnë se ai ishte ende në punë deri në orën 08:25, kur shihet duke punuar pranë mbikalimit të Plepave.
“Daja u nis në punë në 5.30 si normalisht. Familja tentoi ta ndalojë për shkak të situatës, por ai shkoi. Shqetësimi ynë nisi pasi nuk u kthye në punë dhe bëmë denoncimin.
Pamë nga kamerat se deri në 8.25 ka qenë duke punuar te mbikalimi i Plepave”, u shpreh mbesa e të ndjerit, Klodiana Bërsheni.
Discussion about this post