Sot mbahen homazhet në nder të këngëtarit të mirënjohur Sherif Merdani. Djali i të nderit Gerald Meta ka dhënë njoftimin se homazhet do të kryhen nga ora 12:00 deri në orën 14:00, tek “Internacional Event House 1921”.
“Me dhimbje të madhe dhe hidhërim të thellë, njoftoj ndarjen nga jeta të babait tim të shtrenjtë, Sherif Merdani. Njoftojmë familjarë, të afërm, miq dhe dashamirës, se homazhet kryhen ditën e nesërme, datë 30.08.2021, tek “Internacional Event House 1921”, rruga Kajo Karafili, pranë “Lidhjes së Shkrimtarëve” nga ora 12:00 deri në orën 14:00, nga ku do të nisemi drejt Varrezave të Tufinës”, shkruan Gerard Merdani.
Sherif Merdani ndërroi jetë ditën e djeshme në moshën 81-vjeçari, pasi vuante nga një sëmundje e rëndë.
Sherif Merdani njihej si këngëtar i madh shqiptar i muzikës së lehtë shqipe, e ndërsa për të shënoi një pikë kthese festivali i 11-të i Këngës, i cili së bashku me disa kolegë të tij përfundoi në burg nga regjimi i asaj kohe, ku bëri 16 vite burg. Më pas, Merdani ka punuar edhe si diplomat në ambasadën shqiptare në Romë.
