Ademir Fresku, këngëtari shkodran i plagosur pak ditë më parë në qytetin e Shkodrës, ka zbardhur sot detajet nga ngjarja. Në një intervistë televizive ai tregoi se i ka kërkuar autorit të mos shkojë më në lokalin e tij gjë që ka çuar edhe në ngjarjen e rëndë. Sipas tij autori shkonte i alkoolizuar dhe shqetësonte klientët e tjerë, por edhe stafin e lokalit.
“Nuk doja të isha pjesë e këtyre gjërave. Është bërë më e madh se ç’duhet. Jam goditur pas shpine por shpresoj që gjithçka të zgjidhet nga shteti. Me autorin njiheshim, mundohesha t’i njihesha e ti respektoja të tërë. E kam takuar 3-4 herë. I ka bezdisur disa herë punonjësit e lokalit tim, por nuk i kam hyrë shumë në detaje. I kisha thënë në mënyrën më qytetare të mundshme që të mos vinte më në lokalin tim.
Familjarët e autorit nuk më kanë kontaktuar. Unë kam 4-5 plagë me thikë në trup. Ka qenë një sulm në pabesi, nuk e kam vënë re. Në spital shkova vetë, mora makinën dhe shkova të merrja ndihmën mjekësore sepse nuk e dija se çfarë kisha pësuar saktësisht”, tha ai.
Ndërkohë familjarët e autorit hedhin poshtë akuzat se ai binte dhe rinte në gjendje të dehur.
Discussion about this post