Drejtori i Kufirit dhe Migracionit në Policinë e Shtetit, Eduart Merkaj u largua nga detyra me urdhër të kreut të Policisë së Shtetit, Gledis Nano. Por çfarë denonconte kryedemokrati, Sali Berisha për të? Me anë të një postimi në Facebook, Berisha shkruante se ky i fundit kishte abuzuar me fondet e Frontex, ndërsa e akuzonte Merkaj për vjedhjen e 2.7 mln eurove nga paratë e dhëna për Policinë Kufitare.
Në mesazhin e Berishës, theksohej se pavarësisht abuzimeve dhe vjedhjeve të evidentuara dhe në auditimin e Ministrisë së Brendshme, çështja në fjalë është mbyllur nga vetë ministri Blendi Çuçi.
“Ministri i familjes Çuçi mbyll vjedhjen sepse u vodh bashkarisht! Lexoni denoncimin e oficerit dixhital: Pershendetje i nderuar Doktor Berisha jam nje specialist i Departamentit te kufirit dhe migracionit. Doktor ka abuzime te tmerrshme ne policine e shtetit me vjedhjet qe ju behet eurove te dhena nga Fronteks….. Drejtori Eduart Merkaj i ka bere si ka dash 2.7 miljon euro qe jane dhene per policine kufitare shqiptare. Ka bere hetim dhe SHKB dhe auditi i ministrise dhe shkeljet jane evidentuar por jane te gjithe te perfshire per ta mbyllur si afere me porosi te Ministrit. Ju lutem anonim…dokument per keto qe them jane ne Drejt e Pergj, te Policise, SH.K.B etj dhe vazhdon vjedhja….”-shkruante Berisha.
Discussion about this post